Bakit na-close ang trade kahit na wala akong ginagawa?

Maaaring na-close ang trading position dahil sa isa sa mga sumusunod na dahilan:

1. Stop-Out:

Umabot sa Stop-Out level ang margin level ng iyong trading account. Ang Stop-Out ay isang order na awtomatikong ginagawa ng server para i-close ang mga position kapag bumagsak ang margin sa isang partikular na lebel. Depende sa klase ng account ang magiging porsyento kung saan mangyayari ang Stop-Out. Makikita mo dito ang kasalukuyang Stop-Out level para sa bawat klase ng account.

Margin Level = (Equity / Margin) x 100, kung saan:

- Ang margin ay ang halaga ng pera na kailangan para panatilihin ang mga open position, na nakalagay sa currency ng deposito.

- Ang equity ang ang kasalukuyang halaga ng pera, na sumasalamin sa resulta ng mga open position. Kinakalkula ito bilang:

  Equity = Balanse + Floating na Kita - Floating na Pagkalugi

Halimbawa:

Meron kang Pro account (Stop-Out = 40%) at deposito na 100 USD. Ang kasalukuyan mong margin ay 30 USD. Kung nagresulta sa pagkalugi na 88 USD (Equity = 100 - 88 = 12) ang open positions mo, ang kalkulasyon ay magiging:

Margin Level = 12 / 30 x 100 = 40%.

Sa puntong ito, magkakaroon ng Stop-Out, at iko-close ang mga position mo dahil sa hindi sapat na pera.

2. Na-execute ang Stop Loss o Take Profit:

Umabot ang presyo ng asset sa Stop Loss o Take Profit level, kaya awtomatikong na-close ang position.

3. Trailing Stop:

Na-activate ang trailing Stop, kaya na-close ang position.

4. Mga corporate event:

Hindi ito naproseso ng kumpanya dahil sa isang corporate event. Magbasa pa tungkol dito.

5. Nag-expire ang CFD sa Futures: 

Umabot na ang trading instrument sa petsa ng pag-expire ng contract (CFD sa Futures).